Robert Bruce's march to BANNOCKBURN

SCOTS, wha hae wi' WALLACE bled,
SCOTS, wham BRUCE has aften led,
Welcome to your gory bed,
Or to victorie. -

Now's the day, & now's the hour;
See the front o' battle lower;
See approach proud EDWARD's power,
Chains & Slaverie.-

Wha will be a traitor-knave?
Wha can fill a coward's grave?
Wha sae base as be a Slave?
- Let him turn & flie. -

Wha for SCOTLAND's king and law,
Freedom's sword will strongly draw,
FREE-MAN stand, or FREE-MAN fa',
Let him follow me.-

By Oppression's woes and pains!
By your Sons in servile chains!
We will drain our dearest veins,
But they shall be free!

Lay the proud Usurpers low!
Tyrants fall in every foe!
LIBERTY'S in every blow!
Let US DO - OR DIE!!!

• Tune (Gow Repository) gif midi mov
• Tune (Scots Musical Museum) gif midi mov

Back to Chapter

Back to Contents List

Embro, Embro
Copyright © 2001, Jack Campin