O dear Margret, are you within When I heard the news, I but to rin, Down the gate to tell ye, down the gate to tell ye, Down the gate to tell ye we'll no be left our skin. O dear woman, O dear, O dear, There was no the like of this since Mar's year And I'm a' panting, panting, panting, I'm a panting frae my heart here. Weill kend I that a' was nae right, For I dream'd of red & green a' the last night, And three cats fighting, and three cats fighting, And three cats fighting, I wakened wi the fright. But fare ye weill woman, for I maun gae in Do ye ken if your neighbour Elspet is in And auld Rob the barber, and auld Rob the barber, And auld Rob the barber, for I maun tell him. Stay a wee, woman, & tell us a' out - They're bringing in Popery, I doubt I doubt And a sad Reformation, and a sad Reformation, And a sad Reformation in a' the kirks about. Little do we see but muckle do we hear The French & Americans are a' coming here, And we'll a' be murdered, we'll a' be murdered, We'll a' be murdered before the new year. "Whist woman! - I thought I heard a gun!" Hout na Marget - it's me, I am fash'd wi' wind, And I'm glad when it wins awa', wins awa', wins awa', Glad when it wins awa' free frae my lung". But never ye fear woman, let them a' come, For I weild my rock yet for a their necks harm Before that I yield it, before that I yield it, Before that I yield it to any French Hom. For dinna ye mind, in this very floor, How we a' reeked out, & a' to Shirramoor, Wi stanes in our aprons, wi stanes in our aprons, Wi' stanes in our aprons and wrought skaith I'm sure.
Back to Chapter
Back to Contents List
Embro, Embro Copyright © 2001, Jack Campin