Willie's gane to Melville Castle

O!  Willie's gane to Melville Castle,
Boots and spurs an' a',
To bid the leddies a' farewell,
Before he gaed awa'.
Willie's young, an' blythe an' bonnie,
Loed by ane an' a',
O!  what will all the lassies do,
When Willie gaes awa'?

The first he met was Lady Kate,
She led him thro the ha',
And wi' a sad and sorry heart
She let the tear doon fa';
Beside the fire stood Lady Grace,
Said ne'er a word ava';
She thocht that she was sure of him,
Before he gaed awa'.

Then ben the house cam Lady Bell,
"Gude troth, ye needna craw,
Maybe the lad will fancy me,
An disappoint ye a'";
Doon the stair trip't Lady Jean,
The flow'r among them a',
"Oh! lasses, trust in providence,
And ye'll get husbands a'."

When on his horse he rode awa',
They gather'd round the door,
He gaily wav'd his bonnet blue,
They set up sic a war!
Their cries, their tears brought Willie back,
He kissed them ane and a',
"Oh! lasses, bide till I come hame,
And then I'll wed ye a'."

Back to Chapter

Back to Contents List

Embro, Embro
Copyright © 2001, Jack Campin