Katy's Answer

My mither's ay glowran o'er me,
Tho' she did the same before me,
I canna get leave
To look to my love
Or else she'll be like to devour me.

Right fain wad I tak ye'r offer
Sweet Sir, but I'll tine my tocher;
Then, Sandy, ye'll fret,
And wyte ye'r poor Kate,
Whene'er ye keek in your toom coffer.

For tho' my father has plenty
of siller and plenishing dainty,
Yet he's unco sweer
To twin wi his gear
And sae we had need to be tenty.

Tutor my parents wi' caution,
Be wylie in ilka motion,
Brag weel o' ye'r land,
And there's my leal hand,
Win them, I'll be at your devotion.

Back to Chapter

Back to Contents List


Embro, Embro
Copyright © 2001, Jack Campin