Sawney Now The King's Come

CHORUS:  Sawney, now the king's come,
         Sawney, now the king's come,
         Kneel, and kiss his gracious bum,
         Sawney, now the king's come.

In Holyroodhouse lodge him snug,
And butter weel his sacred lug,
Wi' stuff wad gar a Frenchman ugg,
Sawney, now the king's come.

Tell him he is great and good,
And come o' Scottish royal blood - 
To your hunkers - lick his fud -
Sawney, now the king's come.

Tell him he can do no wrang,
That he's mighty, high and strang,
That you and yours to him belang,
Sawney, now the king's come.

Swear he's sober, chaste and wise,
Praise his portly shape and size,
Roose his whiskers to the skies,
Sawney, now the king's come.

Mak' your lick-fud bailie core
Fa' down behint him - not afore,
His great posteriors to adore,
Sawney, now the king's come.

Mak' your tribe in good black claith,
Extol, till they rin short o' breath,
The great "Defender o' the Faith",
Sawney, now the king's come.

Mak your Peers o' high degree,
Crouching low on bended knee,
Greet him wi a "Wha wants me?"
Sawney, now the king's come.

Mak' his glorious kingship dine
On good sheep-heads and haggis fine,
Hotchpotch, too, Scotch collops syne,
Sawney, now the king's come.

And if there's in St James' Square
Ony thing that's fat and fair,
Treat him nightly wi' sic ware,
Sawney, now the king's come.

Shaw him a' your biggings braw,
Your castle, college, brigs an' a',
Your jail, an' royal forty-twa,
Sawney, now the king's come.

An' when he rides Auld Reekie through,
To bless you wi' a kingly view,
Charm him wi' your "Gardyloo,"
Sawney, now the king's come.

• Tune: Carle an' the King Come (1715) gif midi mov
• Tune: Carle & the King come (McGibbon) gif midi mov
• Tune: Carle & the King come (McFarlan MS, 1740) gif midi mov
• Tune: Carle & the King come (Hogg) gif midi mov

Back to Chapter

Back to Contents List

Embro, Embro
Copyright © 2001, Jack Campin