CHORUS: Up in the mornin's no for me - Up in the mornin' early. The Bailies and I could never agree To rise in the mornin' early. Bright shines the sun frae east to west, The breeze is blawin' rarely - The royal squadron's at the Pier - The Queen is landed fairly. The Castle guns roar unco loud, And coaches drive fu' sairly; And loudly rings the bell for me - What can they mean sae early? The chimney-taps are clad wi' crowds - The Archers muster fairly - The balconies begin to fill - Yet sure it's rather early! It's braw to tend on Majesty, And princes deck'd sae rarely, But what's thae pleasures to a nap? It beats them hallow fairly. "What means that thund'rin' at the door? They'll break the pannels surely. I'll hae them laid in ward, I will, And that too, most securely!" Up flew the Provost's bed-room door, Which filled wi' spectres sparely, "O Provost! Provost! dree the day Ye miss'd our Queen sae fairly!" The Provost dous't his coul, and cried - "What! had she pass'd the Barrier?" "O! yes, my lord, the High School too - She could nae langer tarry her." The Provost sabb'd, and sigh'd and moan'd - O! had I just been near her - I'll greet, and grunt, and groan, and die - Neglect shall ne'er pay dearer."
Back to Chapter
Back to Contents List
Embro, Embro Copyright © 2001, Jack Campin