A New Song to an Old Tune

The Students gat out wi' an unco shout,
When they dang ower the Charlies, O;
The feint mae care, quoth the stout town folk,
For they're but a worthless body, O.
They plunder out and they plunder in,
They plunder late and early, O;
For mony lang years we've been plagued by the loons,
They're but a worthless body, O.

CHORUS:  The Students dang ower, the Students dang ower,
         The Students dang ower the Charlies, O.
         The feint mae care, quoth the stout town folk,
         For they're but a worthless body, O.

And now, my Lord, just haud your tongue,
And sae dae ye, my Baillie, O;
For we've seen the day, and sae hae ye,
We've thrashed the Charlies gaily, O.
D'ye mind the day when Frosty quailed,
When Sawers shook in's shoon, O;
When guid Lord Peter defended us,
Now try and just ca' cannie, O.

• Tune gif midi mov

Back to Chapter

Back to Contents List

Embro, Embro
Copyright © 2001, Jack Campin