The Lasses o' Edinburgh

The lasses o' Edinburgh are fair to be seen,
The dresses they wear are fit for a queen,
The lads they are struck wi' the darts o' the een
   Of the lasses o' Edinburgh sae bonny and braw.

Their bonny plait hair sae lovely they show
They sparkle with beauty wherever they go;
There's nane in the country, for aught that we know,
   Like the lasses o' Edinburgh sae bonny and braw.

It's gang to the kirk or gang to the fair,
They're always the brawest that's to be seen there,
Their manners so civil, so gentle's their air,
   The lasses o' Edinburgh sae bonny and braw.

The lasses o' Edinburgh can shape and can sew,
Their needle-work, fine, it is pleasant to view,
Whatever is useful, their hands they can do,
   The lasses o' Edinburgh sae bonny and braw.

Going down to the Links on a fine summer's day,
And view them a' bleaching while in it you stray,
Their hearts are a' light and features a' gay,
   The lasses o' Edinburgh sae bonny and braw.

And when that the Wells a lad passes by,
The lasses, in daffin, do oftentimes cry,
He's a taylor, or cobbler, or some sicken fry,
   That's watching his lassie sae bonny and braw,

They nay talk o' the lasses o' mony a town,
The lasses of Ayr, and the banks of the Doon,
Compared to them they shine like the moon,
  To meet with them dressed sae bonny and braw.

Lang may they live happy in their native place,
May every enjoyment with time aye keep pace,
Till the day of old age shall hae altered the face
   Of the lasses o' Edinburgh sae bonny and braw.

May the lasses o' Edinburgh wi' plenty be blest,
Of cash in their pockets, and claise in their kist,
And ne'er may the lad their allurements resist,
   Of the lasses o' Edinburgh sae bonny and braw.

Back to Chapter

Back to Contents List

Embro, Embro
Copyright © 2001, Jack Campin