The Wells o' Weary

Will ye gang through the King's Park,
   My darling young deary O,
And spend the lee-lang simmer's day,
   Around the Wells o' Weary O.
There harmless stray sweet tender lambs,
   The emblems o' my deary O,
There massy, twisted, clifted rocks,
   Adorn the Wells o' Weary O.

O saftly blaws the gentle breezes
   The lav'rocks sing fu' cheery O,
A' Nature spreads unmingled joys,
   Around the Wells o' Weary O.
See loft Arthur's flow'ry gems,
   Wi' lustre shining clearly O,
And crystal fountains deck the scenes,
   Around the Wells o' Weary O.

The lovers rove, wi' hand in hand,
   Then gie me thine, my deary O,
And blythe we'll spend the gowden day,
   Around the Wells o' Weary O.
Then hame again we'll fondly steer,
   To spend the night sae dreary O,
In pleasant dreams, admiring scenes,
  Around the Wells o' Weary O.

• Tune gif midi mov

Back to Chapter

Back to Contents List

Embro, Embro
Copyright © 2001, Jack Campin